Timoclea

Θρακες τινες εκκοψαντες οικιαν Τιμοκλειας, γυναικος ενδοξου και σωφρονος, αυτοι μεν τα χρηματα διηρπαζον, ο δε ηγεμων την γυναικα ανεκρινεν ει που χρυσιον εχοι κεκρυμμενον και αργυριον. Η δε εχειν ομολογησε και μονον εις τον κηπον αγαγουσα δειξασα φρεαρ, ενταυθα εφη της πολεως αλισκομενης καταβαλειν αυτη τα τιμιωτατα των χρηματων. Εγκυπτοντος δε του Θρακος και κατασκεπτομενου τον τοπον, εωσεν αυτον εξοπισθεν γενομενη και των λιθων επεμβαλουσα πολλους απεκτεινεν. Ως δε ανηχθη προς Αλεξανδρον υπο των Θρακων δεδεμενη, πρωτον μεν απο της οψεως και της βαδισεως εψανη τις αξιωματικη και μεγαλοφρων ανεκπληκτως και αδεως επομενη τοις αγουσιν επειτα του βασιλεως ερωτησαντος, ητις ειη γυναικων, απεκρινατο Θεαγενους αδελφη γεγονεναι του παραταξαμενου προς τον Φιλιππον υπερ της των Ελληνων ελευθεριας και πεσοντος εν Χαιρονεια στρατηγουντος. Θαυμασας ουν ο Αλεξανδρος αυτης και την αποκρισιν και την πραξιν, εκελευσεν ελευθερον απιεναι μετα των τεκνων.


La traduzione è visibile ai soli utenti Registrati