Αμπελοι δε εκατερωθεν του δενδρου, καλαμοις εποχουμεναι, τοις φυλλοις εθαλλον, και ο καρπος ωραιαν ειχε την ανθην και δια της οπης των καλαμων εξεκρεματο και ην βοστρυχος του φυτου· των δε φυλλων ανωθεν αιωρουμενων υφ' ηλιω προς ανεμον συμμιγει ωχραν εμαρμαιρεν η γη την σκιαν. Τα δε ανθη ποικιλην εχοντα την χροιαν εν μερει συνεξεφαινε το καλλος, και ην τουτο της γης πορφυρα, ιον και ναρκισσος και ροδον. Μια μεν τω ροδω και τω ναρκισσφ η καλυξ οσον εις περιγραφην, και ην φιαλη του φυτου. Η χροια δε των περι την καλυκα φυλλων εσχισμενων τω ροδω μεν αιματος το ανω και γαλακτος το κατω του φυλλου, και ο ναρκισσος ην το παν ομοιος τω κατω του ροδου. Τω δ' ιω καλυξ μεν ουδαμου, χροια δε οιαν η της θαλασσης αστραπτει γαληνη. Εν μεσοις δε τοις ανθεσι πηγη ανεβλυζε.


La traduzione è visibile ai soli utenti Registrati