Επει δε πεντε, ως αν ειποι τις, πηγαι τινες εισιν αι της υψηγοριας γονιμωταται, προυποκειμενης ωσπερ εδαφους τινος κοινου ταις πεντε ταυταις ιδεαις της εν τω λεγειν δυναμεως, ης ολως χωρις ουδεν, πρωτον μεν και κρατιστον το περι τας νοησεις αδρεπηβολον, ως καν τοις περι Ξενοφωντος ωρισαμεθα· δευτερον δε το σφοδρον και ενθουσιαστικον παθος· αλλ' αι μεν δυο αυται του υψους κατα το πλεον αυθιγενεις συστασεις, αι λοιπαι δ' ηδη και δια τεχνης, η τε ποια των σχηματων πλασις (δισσα δε που ταυτα, τα μεν νοησεως, θατερα δε λεξεως), επι δε τουτοις η γενναια φρασις, ης μερη παλιν ονοματων τε εκλογη και η τροπικη και πεποιημενη λεξις· πεμπτη δε μεγεθους αιτια και συγκλειουσα τα προ αυτης απαντα, η εν αξιωματι και διαρσει συνθεσις.


La traduzione è visibile ai soli utenti Registrati