Εγεγονει δε τοτε κατα μηνιν Απολλωνος και Ποσειδωνος ατυχειν την πολιν. Απολλων γαρ και Ποσειδων, την Λαομεδοντος υβριν πειρασαι θελοντες, εικασθεντες ανθρωποις υπεσχοντο επι μισθω την πολιν τειχιειν τοις δε τειχισασι τον μισθον ο Λαομεδων ουκ εξετινε. Δια τουτο Απολλων μεν λοιμον επεμψε, Ποσειδων δε κητος αναφερομενον υπο πλημμυριδας, ο τους εν πεδιω συνηρπαζεν ανθρωπους. Χρησμων δε λεγοντων απαλλαγην εσεσθαι των συμφορων, εαν προβαλη Λαομεδων την εαυτου θυγατερα τω κητει βοραν, ουτος αυτην προυβαλε, ταις πλησιον της θαλασσης πετραις προσαρτησας. Ταυτην προβαλλομενην εωρακως Ηρακλης υπεσχετο σωσειν, ει τας ιππους παρα Λαομεδοντος ληψεται ας Ζευς ποινην της Γανυμηδους αρπαγης αυτω δωρεαν παρεσχηκει. Δωρησειν δε Λαομεδοντος ειποντος, απεκτονως το κητος την παρθενον εσωσε. Μη βουλομενου δε αυθις του Λαομεδοντος τον μισθον εκτισαι, πολεμησειν Τροια απειλησας ανηχθη.


La traduzione è visibile ai soli utenti Registrati