Τιτος Κοιντιος Φλαμινινος ο των Ρωμαιων υπατος ες τον των Ισθμιων αγωνα επελθων, πληθυοντος του σταδιου, σιωπην τε εσημηνεν υπο σαλπιγγι και τον κηρυκα ανειπειν εκελευσεν· «Ο δημος ο Ρωμαιων και η συγκλητος και Φλαμινινος ο στρατηγος, τους Μακεδονας και Φιλιππον τον βασιλεα εκπολεμησαντες, κελευουσι την Ελλαδα ελευθεραν αυτονομον αφρουρητον αφορολογητον ειναι, και ιδιοις ηθεσι και νομοις χρησθαι». Πολλης δ' επι τουτο βοης και χαρας γενομενης θορυβος ηδιστος ην, ετερων μεθ' ετερους τον κηρυκα και παρα σφας ανειπειν μετακαλουντων, ωστε δηλον πασιν εγενετο την ελευθεριαν μεγιστον των αγαθων ειναι. Στεφανους τε και τανιας επεβαλλον τω στρατηγω και ανδριαντας εψηφιζοντο κατα πολεις, πρεσβεις τε μετα χρυσων στεφανων επεμπαν ες το Καπιτωλιον, οι χαριν ωμολογουν και ες τους Ρωμαιων συμμαχους ανεγραφοντο. Και δευτερος οδε πολεμος Ρωμαιοις τε και Φιλιππω ες τουτο ετελευτα.


La traduzione è visibile ai soli utenti Registrati