Διαταξας δε την πολιτειαν ονπερ ειρηται τροπον, επειδη προσιοντες αυτω περι των νομων ηνωχλουν, τα μεν επιτιμωντες τα δε ανακρινοντες, βουλομενος μητε ταυτα κινειν, μητ' απεχθανεσθαι παρων, αποδημιαν εποιησατο κατ' εμποριαν αμα και θεωριαν εις Αιγυπτον, ειπων ως ουχ ηξει δεκα ετων. Ου γαρ οιεσθαι δικαιον ειναι τους νομους εξηγεισθαι παρων, αλλ' εκαστον τα γεγραμμενα ποιειν. Αμα δε και συνεβαινεν αυτω των τε γνωριμων διαφορους γεγενησθαι πολλους δια τας των χρεων αποκοπας, και τας στασεις αμφοτερας μεταθεσθαι δια το παραδοξον αυτοις γενεσθαι την καταστασιν. Ο μεν γαρ δημος ωετο παντ' αναδαστα ποιησειν αυτον, οι δε γνωριμοι παλιν εις την αυτην ταξιν αποδωσειν, η μικρον παραλλαξειν. Ο δε Σολων αμφοτεροις ηναντιωθη, και εξον αυτω μεθ' οποτερων εβουλετο συσταντα τυραννειν, ειλετο προς αμφοτερους απεχθεσθαι, σωσας την πατριδα και τα βελτιστα νομοθετησας.


La traduzione è visibile ai soli utenti Registrati