Πρωτη μεν γαρ εγενετο μεταστασις των εξ αρχης Ιωνος και των μετ' αυτου συνοικησαντων, τοτε γαρ πρωτον εις τας τετταρας συνενεμηθησαν φυλας, και τους φυλοβασιλεας κατεστησαν. Δευτερα δε και πρωτη μετα ταυτην εχουσα τι πολιτειας ταξις η επι Θησεως γενομενη, μικρον παρεγκλινουσα της βασιλικης. Μετα δε ταυτην η επι Δρακοντος, εν η και νομους ανεγραψαν πρωτον. Τριτη δ' η μετα την στασιν η επι Σολωνος, αφ' ης αρχη δημοκρατιας εγενετο. Τεταρτη δ' η επι Πεισιστρατου τυραννις. Πεμπτη δ' η μετα την των τυραννων καταλυσιν η Κλεισθενους, δημοτικωτερα της Σολωνος. Εκτη δ' η μετα τα Μηδικα, της εξ Αρειου παγου βουλης επιστατουσης. Εβδομη δε η μετα ταυτην, ην Αριστειδης μεν υπεδειξεν, Εφιαλτης δ' επετελεσεν, καταλυσας την Αρεοπαγιτιν βουλην εν η πλειστα συνεβη την πολιν δια τους δημαγωγους αμαρτανειν δια την της θαλαττης αρχην. Ογδοη δ' η των τετρακοσιων καταστασις, και η μετα ταυτην, ενατη δε, η δημοκρατια παλιν. Δεκατη δ' η των τριακοντα και η των δεκα τυραννις. Ενδεκατη δ' η μετα την απο Φυλης και εκ Πειραιεως καθοδον, αφ' ης διαγεγενηται μεχρι της νυν, αει προσεπιλαμβανουσα τω πληθει την εξουσιαν.


La traduzione è visibile ai soli utenti Registrati