Κυριος δε γενομενος των πραγματων Σολων τον τε δημον ηλευθερωσε και εν τω παροντι και εις το μελλον, κωλυσας δανειζειν επι τοις σωμασι, και νομους εθηκεν και χρεων αποκοπας εποιησε, και των ιδιων και των δημοσιων, ας << σεισαχθειαν >> καλουσιν, ως αποσεισαμενοι το βαρος: εν οις πειρωνται τινες διαβαλλειν αυτον. Συνεβη γαρ τω Σολωνι μελλοντι ποιειν την σεισαχθειαν προειπειν τισι των γνωριμων, επειθ', ως μεν οι δημοτικοι λεγουσι, παραστρατηγηθηναι δια των φιλων, ως δ' οι βουλομενοι βλασφημειν, και αυτον κοινωνειν: δανεισαμενοι γαρ ουτοι συνπριαντο πολλην χωραν, και μετ' ου πολυ, της των χρεων αποκοπης γεγενημενης, επλουτουν: οθεν φασι γενεσθαι τους υστερον δοκουντας ειναι παλαιοπλουτους. Ου μην αλλα πιθανωτερος ο των δημοτικων λογος: ου γαρ εικος εν μεν τοις αλλοις αυτω μετριον γενεσθαι και κοινον, ωστ' εξον αυτω τους ετερους υποποιησαμενον τυραννειν της πολεως, αμφοτεροις απεχθεσθαι και περι πλειονος ποιησασθαι το καλον και την της πολεως σωτηριαν η την εαυτου πλεονεξιαν.


La traduzione è visibile ai soli utenti Registrati