Εστι δε πασα πολις εκ τε του ποιου και ποσου. Λεγω δε ποιον μεν ελευθεριαν, πλουτον, παιδειαν, ευγενειαν, ποσον δε την του πληθους υπεροχην. Ενδεχεται δε το μεν ποιον υπαρχειν ετερω μερει της πολεως, εξ ων συνεστηκε μερων η πολις, αλλω δε μερει το ποσον, οιον πλειους τον αριθμον ειναι των γενναιων τους αγεννεις η των πλουσιων τους απορους, μη μεντοι τοσουτον υπερεχειν τω ποσω οσον λειπεται τω ποιω. Διο ταυτα προς αλληλα συγκριτεον. Οπου μεν ουν υπερεχει το των απορων πληθος την ειρημενην αναλογιαν, ενταυθα πεφυκεν ειναι δημοκρατιαν, και εκαστον ειδος δημοκρατιας κατα την υπεροχην του δημου εκαστου, οιον εαν μεν το των γεωργων υπερτεινη πληθος, την πρωτην δημοκρατιαν, εαν δε το των βαναυσων και μισθαρνουντων, την τελευταιαν, ομοιως δε και τας αλλας τας μεταξυ τουτων: οπου δε το των ευπορων και γνωριμων μαλλον υπερτεινει τω ποιω η λειπεται τω ποσω, ενταυθα ολιγαρχιαν, και της ολιγαρχιας τον αυτον τροπον εκαστον ειδος κατα την υπεροχην του ολιγαρχικου πληθους.


La traduzione è visibile ai soli utenti Registrati