Πολιτευεσθαι δε δοκουσι και Καρχηδονιοι καλως και πολλα περιττως προς τους αλλους, μαλιστα δ' ενια παραπλησιως τοις Λακωσιν. Αυται γαρ αι τρεις πολιτειαι αλληλαις τε συνεγγυς πως εισι και των αλλων πολυ διαφερουσιν, η τε Κρητικη και Λακωνικη και τριτη τουτων η των Καρκηδνιων. Και πολλα των τεταγμενων εχει παρ' αυτοις καλως: σημειον δε πολιτειας συντεταγμενης το τον δημον διαμενειν εν τη ταξει της πολιτειας, και μητε στασιν, ο τι και αξιον ειπειν, γεγενησθαι μητε τυραννον. Εχει δε παραπλησια τη Λακωνικη πολιτεια τα μεν συσσιτια των εταιριοων τοις φιδιτιοις, την δε των εκατον και τετταρων αρχην τοις εφυροις (πλην ου χειρον: οι μεν γαρ εκ των τυχοντων εισι, ταυτην δ' αιρουνται την αρχην αριστινδην), τους δε βασιλεις και την γερουσιαν αναλογον τοις εκει βασιλευσι και γερουσιν.


La traduzione è visibile ai soli utenti Registrati