Τις δ' αριστη πολιτεια και τις αριστος βιος ταις πλεισταις πολεσι και τοις πλειστοις των ανθρωπων, μητε προς αρετην συγκρινουσι την υπερ τους ιδιωτας, μητε προς παιδειαν η φυσεως δειται και χορηγιας τυχηρας, μητε προς πολιτειαν την κατ' ευχην γινομενην, αλλα βιον τε τον τοις πλειστοις κοινωνησαι δυνατον και πολιτειαν ης τας πλειστας πολεις ενδεχεται μετασχειν; Ει γαρ καλως εν τοις Ηθικοις ειρηται το τον ευδαιμονα βιον ειναι τον κατ' αρετην ανεμποδιστον, μεσοτητα δε την αρετην, τον μεσον αναγκαιον ειναι βιον βελτιστον, τα της εκαστοις ενδεχομενης τυχειν μεσοτητος: τους δε αυτους τουτους ορους αναγκαιον ειναι και πολεως αρετης και κακιας και πολιτειας: η γαρ πολιτεια βιος τις εστι πολεως. Εν απασαις δη ταις πολεσιν εστι τρια μερη της πολεως, οι μεν ευποροι σφοδρα, οι δε αποροι σφοδρα, οι δε τριτοι οι μεσοι τουτων. Επει τοινυν ομολογειται το μετριον αριστον και το μεσον, φανερον οτι και των ευτυχηματων η κτησις η μεση βελτιστη παντων. Ραστη γαρ τω λογω πειθαρχειν, υπερκαλον δε η υπερισχυρον η υπερευγενη η υπερπλουσιον ουτα, η ταναντια τουτοις, υπερπτωχον η υπερασθενη η σφοδρα ατιμον, χαλεπον τω λογω ακολουθειν: γιγνονται γαρ οι μεν υβρισται και μεγαλοπονηροι μαλλον, οι δε κακουργοι και μικροπονηροι λιαν, των δ' αδικηματων τα μεν γιγνεται δι υβριν τα δε δια κακουργιαν. Ετι δε ηκισθ' ουτοι φυγαρχουσι και σπουδαρχιωσι: ταυτα δ' αμφοτερα βλαβερα ταις πολεσιν.


La traduzione è visibile ai soli utenti Registrati