Του δε Νιρεα αυτον τε οντα μικρον και τα πραγματα αυτου μικροτερα, τρεις ναυς και ολιγους ανδρας, μεγαν και μεγαλα εποιησεν και πολλα αντ' ολιγων, τω σχηματι διπλω και μικτω χρησαμενος εξ επαναφορας τε και διαλυσεως. Νιρευς γαρ φησι τρεις νηας αγεν, Νιρευς Αγλαιης υιος, Νιρευς, ος καλλιστος ανηρ· η τε γαρ επαναφορα της λεξεως επι το αυτο ονομα τον Νιρεα και η διαλυσις πληθος τι εμφαινει πραγματων, καιτοι δυο η τριων οντων. Και σχεδον απαξ του Νιρεως ονομασθεντος εν τω δραματι μεμνημεθα ουδεν ηττον η του Αχιλλεως και του Οδυσσεως, καιτοι κατα το επος εκαστον λαλουμενων σχεδον. Αιτια δ' η του σχηματος δυναμις· ει δ' ουτως ειπεν «Νιρευς ο Αγλαιας υιος εκ Συμης τρεις νηας ηγεν», παρασεσιωπηκοτι εωκει τον Νιρεα· ωσπερ γαρ εν ταις εστιασεσι τα ολιγα διαταχθεντα πως πολλα φαινεται, ουτω καν τοις λογοις.


La traduzione è visibile ai soli utenti Registrati