Οι δε ταυτην την χωραν οικουντες Λιγυες νεμονται γην τραχειαν και παντελους λυπραν· των δ' εγχωριων ταις εργασιαις και ταις της κακοπαθειας υπερβολαις φερει καρπους προς βιαν ολιγους. Διο και τοις ογκοις εισι συνεσταλμενοι και δια την συνεχη γυμνασιαν ευτονοι· της γαρ κατα την τρυφην ραστωνης πολυ κεχορισμενοι ελαφροι μεν ταις ευκινησιαις εισιν, εν δε τοις πολεμικοις αγωσι ταις αλκαις διαφοροι. Καθολου δε των πλησιοχωρων το πονειν συνεχως ησκηκοτων, και της χωρας πολλης εργασιας προσδεομενης, ειθικασι τας γυναικας των κακοπαθειων των εν ταις εργασιαις κοινωνους ποιεισθαι. Μισθου δε παρ αλληλοις εργαζομενων των τε ανδρων και των γυναικων, ιδιον τι και παραδοξον καθ' ημας συνεβη περι μιαν γυναικα γενεσθαι. Εγκυος γαρ ουσα και μετα των ανδρων εργαζομενη μισθου, μεταξυ συνεχομενη ταις ωδισιν απηλθεν εις τινας θαμνους αθορυβως· εν οις τεκουσα, και το παιδι ον φυλλοις ενειλησασα, τουτο μεν απεκρυψεν, αυτη δε συμμιξασα τοις εργαζομενοις την αυτην εκεινοις υπεμεινε κακοπαθειαν, ουδεν δηλοισασα περι του συμβεβηκοτος. Του βρεφους δε κλαυθμυριζομενου, και της πραξεως φανερας γενομενης, ο μεν εφεστηκως ουδαμως ηδυνατο πεισαι παυσασθαι των εργων.


La traduzione è visibile ai soli utenti Registrati