Ο δε Ρωμυλος κτιζων την Ρωμην ταφρον περιεβαλλε τω Παλατιω κατα σπουδην, μη τινες των περιοικων επιβαλλωνται κωλυειν αυτου την προαιρεσιν. Ο δε Ρεμος βαρεως φερων το στερεισθαι των πρωτειων, φθονων δε της ευτυχιας τω αδελφω, προερχομενος τοις εργαζομενοις εβλασφημει· απεφαινετο γαρ στενην ειναι την ταφρον, και επισφαλη εσεσθαι την πολιν, των πολεμιων ραδιως αυτην υπερβαινοντων. Ο δε Ρωμυλος οργιζομενος ελεγε· «Παραγγελω πασι τοις πολιταις αμυνειν τον υπερβαινειν επιχειροντα». Και παλιν ο Ρεμος τοις εργαζομενοις ονειδιζων ελεγε στενην κατασκευαζειν την ταφρον· ευχερως γαρ υπερβησεσθαι τους πολεμιους και γαρ αυτος ραδιως τουτο πραξειν, και αμα ταυτα λεγων υπερηλαυνε. Ην δε τις Κελερος, εις των εργαζομενων, ος υπολαμβανων εβοα· «Εγω δ' αμυνουμαι τον υπερπηδωντα κατα το προσταγμα του βασιλεως». Και αμα ταυτα λεγων ανετεινε το σκαφειον και πατασσων την κεφαλην απετκεινε τον Ρεμον.


La traduzione è visibile ai soli utenti Registrati