Σεσοωσις, των Αιγυπτιων βασιλευς, μεγαλην δυναμιν παρασκευασας, πρωτον μεν προς τους Αιθιοπας εστρατευσε και καταπολεμησας ηναγκασεν αυτους φορους τελειν. Επειτα δε μακρα σκαφη ναυπηγησαμενος τας τε νησους τας εν τη Ερυθρα θαλαττη κατεκτησατο και τα παρα την θαλατταν χωρια. Ομοιως δε και πασαν την Ασιαν υπηκοον εποιησατο και των Κυκλαδων νησων τας πλειους. Επιχειρησας δε και της Ευρωπης κρατησαι, διοδευων την Θρςικην εκινδυνευσεν αποβαλλειν την δυναμιν δια σπανιν τροφης και των τοπων δυσχωριας. Διοπερ ορια της στρατειας ποιησαμενος εν τη Θρακη, στηλας κατεσκευασεν εν πολλοις τοποις· αυται δε τηνδε την επιγραφην ειχον· «Τηνδε την χωραν οπλοις κατεστρεψατο τοις εαυτου βασιλευς βασιλεων και δεσποτης δεσποτων Σεσοωσις».


La traduzione è visibile ai soli utenti Registrati