Πολλοι των ποιητων λεγουσι Φαεθοντα, τον Ηλιου υιον, παιδα ετι την ηλικιαν οντα, πεισαι τον πατερα μιαν ημεραν παραχωρησαι αυτοι του τεθριππου. Συνεχωρησε μεν ο πατηρ αυτω τουτο ο δε Φαεθων, ελαυνων το τεθριππον, ουκ ικανος ην των ηνιων κρατειν. Οι γαρ ιπποι, καταφρονησαντες του νεανιου, εξεχωρησαν του συνηθους δρομου και το μεν πρωτον κατα τον ουρανον πλανωμενοι εξεπυρωσαν τουτον, και εποιησαν τον νυν γαλαξιαν καλουμενον κυκλον, μετα δε ταυτα πολλην της οικουμενης κατεκαυσαν χωραν. Διο ο Ζευς, δυσχερανας, εκεραυνωσε τον Φαεθοντα, ος επεσε προς τας εκβολας του νυν Παδου καλουμενου ποταμου, και αι αυτου αδελφαι, θρηνησασαι την του Φαεθοντος τελευτην, δια την υπερβολην της λυπης μετεσχηματιζοντο εις αιγειρους.


La traduzione è visibile ai soli utenti Registrati