Λεγουσι τινες των συγγραφεων την Σεμιραμιν εταιραν ευπρεπη γενεσθαι, και δια το καλλος εραστην αυτης γενεσθαι τον βασιλεα των Ασσυριων. Το μεν ουν πρωτον Σεμιραμις μετριας αποδοχης ετυχεν εν τοις βασιλειοις, μετα δε ταυτα, γνησια ηδη προσαγορευομενη γυνη, επεισε τον βασιλεα πενθ' ημερας αυτη παραχωρησαν της βασιλειας. Η δε Σεμιραμις, το τε σκηπτρον και την βασιλειον στολην αναλαβουσα, κατα μεν την πρωτην ημεραν ευωχιαν εποιησε και μεγαλοπρεπη δειπνα, εν οις τους των δυναμεων ηγεμονας και παντας τους επιφανεστατους επεισε συμπραττειν εαυτη· τη δ' υστεραια, του τε πληθους και των αξιολογοτατων ανδρων ως βασιλισσαν θεραπευοντων, τον μεν ανδρα κατεβαλεν εις την ειρκτην, αυτη δε φυσει μεγαλεπι βολος ουσα και τολμηρα κατεσχε την αρχην, και μεχρι γηρως βασιλευσασα πολλα και μεγαλα κατειργασατο.


La traduzione è visibile ai soli utenti Registrati