Σεμιραμιν την Ασσυριαν αλλοι μεν αλλως αδουσιν, ωραιοτατη δε εγενετο γυναικων, ει και αφελεστερον εχρητο τω καλλει. Αφικομενη δε προς τον των Ασσυριων βασιλεα κλητη κατα κλεος της ωρας, ο δε εντυχων τη ανθρωπω ηρασθη αυτης. Η δε ητησεν εκ του βασιλεως την βασιλειον στολην λαβειν και πεντε ημερων της Ασιας αρξαι, και τα υπο ταυτης προσταττομενα δρασαι. Ουδε της αιτησεως ητυχησεν. Επει δε εκαθισεν αυτην ο βασιλευς επι του θρονου, και εγνω δια χειρος και γνωμης εχουσα παντα, προσεταξε τοις δορυφοροις αυτον τον βασιλεα κτειναι· και ουτω την των Ασσυριων αρχην κατεσχε. Λεγει δε ταυτα Δεινων.


La traduzione è visibile ai soli utenti Registrati