Εκλειψις ηλιου και σεληνης δυναται μεν γινεσθαι και κατα σβεσιν, καθαπερ και παρα ημιν τουτο θεωρειται γινομενον· και ηδη κατ' επιπροσθετησιν αλλων τινων, η γης η ουρανου η τινος ετερου τοιουτου. Και ωδε τους οικειους αλληλοις τροπους συνθεωρητεον, και τας αμα συγκυρησεις τινων οτι ουκ αδυνατον γινεσθαι. Ετι τε ταξις περιοδου, καθαπερ ενια και παρ' ημιν των τυχοντων γινεται, λαμβανεσθω· και η θεια φυσις προς ταυτα μηδαμη προσαγεσθω, αλλ' αλειτουργητος διατηρεισθω και εν τη παση μακαριοτητι. Ως ει τουτο μη πραχθησεται απασα η των μετεωρων αιτιολογια ματαια εσται, καθαπερ τισιν ηδη εγενετο ου δυνατου τροπου εφαψαμενοις, εις δε το ματαιον εκπεσουσι τω καθ' ενα τροπον μονον οιεσθαι γινεσθαι, τους δ' αλλους παντας τους κατα το ενδεχομενον εκβαλλειν, εις τε το αδιανοητον φερομενους και τα φαινομενα α δει σημεια αποδεχεσθαι μη δυναμενους συνθεωρειν.


La traduzione è visibile ai soli utenti Registrati