Ουτω μεν Ιουν ες Αιγυπτον αφικεσθαι λεγουσι Περσαι, ουκ ως Ελληνες, και των αδικηματων πρωτον τουτο αρξαν μετα δε ταυτα Ελληνων τινας (ου γαρ εχουσι τουνομα αφηγησασθαι) φασι της Φοινικης ες Τυρον προσσχοντας αρπασαι του βασιλεως την θυγατερα Ευρωπην. Ειησαν δ' αν ουτοι Κρητες. Ταυτα μεν δη ισα προς ισα σφι γενεσθαι· μετα δε ταυτα Ελληνας αιτιους της δευτερας αδικιας γενεσθαι. Καταπλευσαντας γαρ μακρα νηι ες Αιαν τε την Κολχιδα και επι Φασιν ποταμον, εντευθεν, διαπραξαμενους και ταλλα ων ενεκα αφικοντο, αρπασαι του βασιλεως την θυγατερα Μηδειαν. Πεμψαντα δε τον Κολχον βασιλεα ες την Ελλαδα κηρυκα, αιτειν τε δικας της αρπαγης και απαιτειν την θυγατερα· τους δε υποκρινασθαι ως ουδε εκεινοι Ιους της Αργειας εδοσαν σφι δικας της αρπαγης· ουδε ουν αυτοι δωσειν εκεινοις.


La traduzione è visibile ai soli utenti Registrati