Θηρια ο Νειλος τρεφει πολλα μεν και ποικιλα, δυο δε διαφορα την μορφην και το μεγεθος, τον κροκοδειλον και τον ποταμιον ιππον. Ο κροκοδειλος μακροβιος μεν εστι ως ανθρωπος γλωτταν δ' ουκ εχει. Καταβιβρωσκει δ' ου μονον ανθρωπους αλλα και των αλλων ζωων τα προσπελαζοντα τω ποταμω, και τα μεν δηγματα του θηριου αδρα και χαλεπα, τοις δ' ονυξι δεινως σπαραττει την αγραν. Ο ποταμιος ιππος το μεν μεγεθος ουκ ελαττων πηχων πεντε, την δε μορφην παραπλησιος εστι τοις βουσιν, εχει δε ωτα και κερκον και φωνην ιππω ομοια. Το δ' ολον κυτος του σωματος ουκ ανομοιον ελεφαντι, και δερμα παντων σκεδον των θηριων ισχυροτατον. Ποταμιος και χερσαιος εστι και την μεν ημεραν εν τοις υδασι διατριβει, την δε νυκτα επι των αγρων κατανεμεται τον σιτον και τον χορτον.


La traduzione è visibile ai soli utenti Registrati