Ηρακλεος δε περι τονδε τον λογον ηκουσα, οτι ειη των δυωδεκα θεων. Του ετερου δε περι Ηρακλεος, τον Ελληνες οιδασι, ουδαμη Αιγυπτου εδυνασθην ακουσαι. Και μεν οτι γε ου παρ' Ελληνων ελαβον το ουνομα του Ηρακλεος Αιγυπτιοι, αλλ' Ελληνες μαλλον παρ' Αιγυπτιων και Ελληνων ουτοι οι θεμενοι τω Αμφιτρυωνος γονω τουνομα Ηρακλεα, πολλα μοι και αλλα τεκμηρια εστι τουτο ουτω εχειν, εν δε και τοδε, οτι τε του Ηρακλεος τουτου οι γονεες αμφοτεροι ησαν Αμφιτρυων και Αλκμηνη γεγονοτες το ανεκαθεν απ' Αιγυπτου και διοτι Αιγυπτιοι ουτε Ποσειδεωνος ουτε Διοσκουρων τα ουνοματα φασι ειδεναι, ουδε σφι θεοι ουτοι εν τοισι αλλοισι θεοισι αποδεδεχαται. Και μεν ει γε παρ' Ελληνων ελαβον ουνομα τεο δαιμονος, τουτων ουκ ηκιστα αλλα μαλιστα εμελλον μνημην εξειν, ει περ και τοτε ναυτιλιησι εχρεωντο και ησαν Ελληνων τινες ναυτιλοι, ως ελπομαι τε και εμη γνωμη αιρεει· ωστε τουτων αν και μαλλον των θεων τα ουνοματα εξεπιστεατο Αιγυπτιοι η του Ηρακλεος.


La traduzione è visibile ai soli utenti Registrati