Ο λαβυρινθος και τας πυραμιδας υπερβαλλει. Τουτου γαρ δωδεκα μεν εισιν αυλαι καταστεγοι, αντιπυλοι αλληλαις, εξ μεν προς Βορεαν, εξ δε προς Νοτον τρεπομεναι, συνεχεις· εις δε τοιχος εξωθεν πασας περιαγει. Οικηματα δ' ενεστι διπλα, τα μεν υπογαια, τα δε μετεωρα, τρισχιλια αριθμον. Τα μεν νυν μετεωρα των οικηματων αυτοι τε εωρωμεν διερχομενοι, τα δε αυτων υπογαια λογοις επυνθανομεθα. Οι γαρ ιερεις των Αιγυπτιων δηλουν αυτα ουδαμως ηθελον, λεγοντες θηκας αυτοθι ειναι των αρχαιων βασιλεων και των ιερων κροκοδειλων. Θαυμα δε ετι μειζον παρεχεται η Μοιριος καλουμενη λιμνη, παρ' ην ο λαβυρινθος ουτος εστιν. Ταυτης το περιμετρον εστι σταδιοι εξακοσιοι και τρισχιλιοι το δε βαθος, ου βαθυτατη εστιν, πεντηκοντα δργυιαι εισιν. Εν δε μεση τη λιμνη δυο πυραμιδες εισιν, του υδατος υπερεχουσαι πεντηκοντα οργυιας εκατερα, και το καθ' υδατος τοσουτον εστιν, και επ' αμφοτεραις κολοσσος λιθινος επεστιν.


La traduzione è visibile ai soli utenti Registrati