Ζευς και Προμηθευς και Αθηνα κατασκευασαντες ο μεν ταυρον, Προμηθευς δε ανθρωπον, η δε οικον, Μωμον κριτην ειλοντο. Ο δε φθονησας τοις δημιουργημασιν αρξαμενος ελεγε τον μεν Δια ημαρτηκεναι, του ταυρου τους οφθαλμους επι τοις κερασιν μη θεντα, ινα βλεπη που τυπτει· τον δε Προμηθεα, διοτι του ανθρωπου τας φρενας ουκ εξωθεν απεκρεμασεν, ινα μη λανθανωσιν οι πονηροι, φανερον δε η τι εκαστος κατα νουν εχει· τριτον δε ελεγεν ως εδει την Αθηναν τον οικον τροχοις επιθειναι, ινα, εαν πονηρος τις παροικισθη γειτων, ραδιως μεταβαινη. Και ο Ζευς αγανακτησας κατ' αυτου επι τη βασκανια του Ολυμπου αυτον εξεβαλεν. Ο λογος δηλοι οτι ουδεν ουτως εστιν εναρετον, ο μη παντως περι τι ψογον επιδεχεται.


La traduzione è visibile ai soli utenti Registrati