Εθους οντος τοις πλεουσι Μελιταια κυνιδια και πιθηκους επαγεσθαι προς παραμυθιαν του πλου, πλεων τις ειχε συν εαυτω και πιθηκον. Γενομενων δ' αυτων κατα το Σουνιον, το της Αττικης ακρωτηριον, χειμων σφοδρος εγενετο. Της δε νεως περιτρεπομενης και παντων διακολυμβωντων, ενηχετο και ο πιθηκος. Δελφις δε τις αυτον θεασαμενος και ανθρωπον ειναι υπολαβων, υπελθων ανειχε διακομιζων επι την χερσον. Ως δε κατα τον Πειραια εγενετο, το των Αθηναιων επινειον, επυνθανετο του πιθηκου ει το γενος εστιν Αθηναιος. Του δε ειποντος και λαμπρους ενταυθα εχειν γονεας, επανηρετο ει και τον Πειραια γιγνωσκειν Υπολαβων δε ο πιθηκος περι ανθρωπου αυτον λεγειν, εφη και μαλα φιλον ειναι αυτω και συνηθη. Και ο δελφις επι τοσουτω ψευδει αγανακτησας, βαπτιζων αυτον απεκτεινεν.


La traduzione è visibile ai soli utenti Registrati