Κοσμος πολει μεν ευανδρια, σωματι δε καλλος, ψυχηι δε σοφια, πραγματι δε αρετη, λογοι δε αληθεια· τα δε εναντια τουτων ακοσμια. Ανδρα δε και γυναικα και λογον και εργον και πολιν και πραγμα χρη το μεν αξιον επαινου επαινωι τιμαν, τωι δε αναξιωι μωμον επιτιθεναι· ιση γαρ αμαρτια και αμαθια μεμφεσθαι τε τα επαινετα και επαινειν τα μωμητα. Του δ' αυτου ανδρος λεξαι τε το δεον ορθως και ελεγξαι τους μεμφομενους Ελενην, γυναικα περι ης ομοφωνος και ομοψυχος γεγονεν η τε των ποιητων ακουσαντων πιστις η τε του ονοματος φημη, ο των συμφορων μνημη γεγονεν. Εγω δε βουλομαι λογισμον τινα τωι λογωι δους την μεν κακως ακουουσαν παυσαι της αιτιας, τους δε μεμφομενους ψευδομενους επιδειξας και δειξας ταληθες παυσαι της αμαθιας.


La traduzione è visibile ai soli utenti Registrati