Οτι μεν ουν φυσει και γενει τα πρωτα των πρωτων ανδρων και γυναικων η γυνη περι ης οδε ο λογος, ουκ αδηλον ουδε ολιγοις. Δηλον γαρ ως μητρος μεν Ληδας, πατρος δε του μεν γενομενου θεου, λεγομενου δε θνητου, Τυνδαρεω και Διος, ων ο μεν δια το ειναι εδοξεν, ο δε δια το φαναι ηλεγχθη, και ην ο μεν ανδρων κρατιστος ο δε παντων τυραννος. Εκ τοιουτων δε γενομενη εσχε το ισοθεον καλλος, ο λαβουσα και ου λαθουσα εσχε· πλειστας δε πλειστοις επιθυμιας ερωτος ενειργασατο, ενι δε σωματι πολλα σωματα συνηγαγεν ανδρων επι μεγαλοις μεγα φρονουντων, ων οι μεν πλουτου μεγεθη, οι δε ευγενειας παλαιας ευδοξιαν, οι δε αλκης ιδιας ευεξιαν, οι δε σοφιας επικτητου δυναμιν εσχον και ηκον απαντες υπ ερωτος τε φιλονικου φιλοτιμιας τε ανικητου.


La traduzione è visibile ai soli utenti Registrati