Απαντων μεν ουν εφροντιζον των πολιτων, μαλιστα δε των νεωτερων. Εωρων γαρ τους τηλικουτους ταραχωδεστατα διακειμενους και πλειστων γεμοντας επιθυμιων, και τας ψυχας αυτων μαλιστα δαμασθηναι δεομενας επιμελειαις καλων επιτηδευματων και πονοις ηδονας εχουσιν: εν μονοις γαρ αν τουτοις εμμειναι τους ελευθερως τεθραμμενους και μεγα φρονειν ειθισμενους. Απαντας μεν ουν επι τας αυτας αγειν διατριβας ουχ οιον τ' ην, ανωμαλως τα περι τον βιον εχοντας: ως δε προς την ουσιαν ηρμοττεν, ουτως εκαστοις προσεττατον. Τους μεν γαρ υποδεεστερον πραττοντας επι τας γεωργιας και τας εμποριας ετρεπον, ειδοτες τας αποριας μεν δια τας αργιας γιγνομενας, τας δε κακουργιας δια τας αποριας: αναιρουντες ουν την αρχην των κακων απαλλαξειν ωοντο και των αλλων αμαρτηματων των μετ' εκεινην γιγνομενων.


La traduzione è visibile ai soli utenti Registrati