Τους δε βιον ικανον κεκτημενους περι τε την ιππικην και τα γυμνασια και τα κυνηγεσια και την φιλοσοφιαν ηναγκασαν διατριβειν, ορωντες εκ τουτων τους μεν διαφεροντας γιγνομενους, τους δε των πλειστων κακων απεχομενους. Και ταυτα νομοθετησαντες ουδε τον λοιπον χρονον ωλιγωρουν, αλλα διελομενοι την μεν πολιν κατα κωμας, την δε χωραν κατα δημους, εθεωρουν τον βιον τον εκαστου, και τους ακοσμουντας ανηγον εις την βουλην. Η δε τους μεν ενουθετει, τοις δ' ηπειλει, τους δ' ως προσηκεν εκολαζεν. Ηπισταντο γαρ οτι δυο τροποι τυγχανουσιν οντες οι και προτρεποντες επι τας αδικιας και παυοντες των πονηριων: παρ' οις μεν γαρ μητε φυλακη μηδεμια των τοιουτων καθεστηκε μηθ' αι κρισεις ακριβεις εισι, παρα τουτοις μεν διαφθειρεσθαι και τας επιεικεις των φυσεων, οπου δε μητε λαθειν τοις αδικουσι ραδιον εστι μητε φανεροις γενομενοις συγγνωμης τυχειν, ενταυθα δ' εξιτηλους γιγνεσθαι τας κακοηθειας.


La traduzione è visibile ai soli utenti Registrati