Επειτα κακειθεν ραδιον γνωναι την εμην διανοιαν: εν γαρ τοις πλειστοις των λογων των ειρημενων υπ' εμου φανησομαι ταις μεν ολιγαρχιαις και ταις πλεονεξιαις επιτιμων, τας δ' ισοτητας και τας δημοκρατιας επαινων, ου πασας, αλλα τας καλως καθεστηκυιας, ουδ' ως ετυχον, αλλα δικαιως και λογον εχοντως. Οιδα γαρ τους τε προγονους τους ημετερους εν ταυτη τη καταστασει πολυ των αλλων διενεγκοντας και Λακεδαιμονιους δια τουτο καλλιστα πολιτευομενους, οτι μαλιστα δημοκρατουμενοι τυγχανουσιν. Εν γαρ τη των αρχοντων αιρεσει και τω βιω τω καθ' ημεραν και τοις αλλοις επιτηδευμασιν ιδοιμεν αν παρ' αυτοις τας ισοτητας και τας ομοιοτητας μαλλον η παρα τοις αλλοις ισχυουσας: οις αι μεν ολιγαρχιαι πολεμουσιν, οι δε καλως δημοκρατουμενοι χρωμενοι διατελουσιν. Των τοινυν αλλων πολεων ταις επιφανεσταταις και μεγισταις, ην εξεταζειν βουληθωμεν, ευρησομεν τας δημοκρατιας μαλλον η τας ολιγαργχιας συμφερουσας.


La traduzione è visibile ai soli utenti Registrati