Και μεν δη και ταδε τις ου μνημονευει των ηλικιωτων των εμων, την μεν δημοκρατιαν ουτω κοσμησασαν την πολιν και τοις ιεροις και τοις οσιοις ωστ' ετι και νυν τους αφικνουμενους νομιζειν αυτην αξιαν ειναι μη μονον των Ελληνων αρχειν αλλα και των αλλων απαντων, τους δε τριακοντα των μεν αμελησαντας, τα δε συλησαντας, τους δε νεωσοικους επι καθαιρεσει τριων ταλαντων αποδομενους, εις ους η πολις ανηλωσεν ουκ ελαττω χιλιων ταλαντων; αλλα μην ουδε την πραοτητα δικαιως αν τις επαινεσειε την εκεινων μαλλον η την της δημοκρατιας. Οι μεν γαρ ψηφισματι παραλαβοντες την πολιν πεντακοσιους μεν και χιλιους των πολιτων ακριτους απεκτειναν, εις δε τον Πειραια φυγειν πλειους η πεντακισχιλιους ηναγκασαν: οι δε κρατησαντες και μεθ' οπλων κατιοντες, αυτους τους αιτιωτατους των κακων ανελοντες, ουτω τα προς τους αλλους καλως και νομιμως διωκησαν ωστε μηδεν ελαττον εχειν τους εκβαλοντας των κατελθοντων.


La traduzione è visibile ai soli utenti Registrati