Γενομενης εν θεοις περι καλλους εριδος, ης Αλεξανδρος ο Πριαμου κατεστη κριτης, και διδουσης Ηρας μεν απασης αυτω της Ασιας βασιλευειν, Αθηνας δε κρατειν εν τοις πολεμοις, Αφροδιτης δε τον γαμον τον Ελενης, των μεν σωματων ου δυνηθεις λαβειν διαγνωσιν αλλ' ηττηθεις της των θεων οψεως, των δε δωρεων αναγκασθεις γευεσθαι κριτης, ειλετο την οικειοτητα την Ελενης αντι των αλλων απαντων, ου προς ηδονας αποβλεψας, - καιτοι και τουτο τοις ευ φρονουσι πολλων αιρετωτερον εστιν - αλλ' ομως ουκ επι τουθ' ωρμησεν, αλλ' επεθυμησε Διος γενεσθαι κηδεστης, νομιζων πολυ μειζω και καλλιω ταυτην ειναι την τιμην η την της Ασιας βασιλειαν, και μεγαλας μεν αρχας και δυναστειας και φαυλοις ανθρωποις ποτε παραγιγνεσθαι, τοιαυτης δε γυναικος ουδενα των επιγιγνομενων αξιωθησεσθαι, προς δε τουτοις ουδεν αν κτημα καλλιον καταλιπειν τοις παισιν η παρασκευασας αυτοις οπως μη μονον προς πατρος αλλα και προς μητρος απο Διος εσονται γεγονοτες.


La traduzione è visibile ai soli utenti Registrati