Νυν δ' αμελησαντες τουτον τον τροπον περι εκαστου διοριζεσθαι προς απαντας τους λογους δυσκολως διακεινται, και τοσουτον διημαρτηκασιν ωστ' ουκ αισθανονται τοιουτω πραγματι δυσμενως εχοντες ο παντων των ενοντων εν τη των ανθρωπων φυσει πλειστων αγαθων αιτιον εστιν. Τοις μεν γαρ αλλοις οις εχομεν ουδεν των αλλων ζωων διαφερομεν, αλλα πολλων και τω ταχει και τη ρωμη και ταις αλλαις ευποριαις καταδεεστεροι τυγχανομεν οντες: εγγενομενου δ' ημιν του πειθειν αλληλους και δηλουν προς ημας αυτους περι ων αν βουληθωμεν, ου μονον του θηριωδως ζην απηλλαγημεν, αλλα και συνελθοντες πολεις ωκισαμεν και νομους εθεμεθα και τεχνας ευρομεν, και σχεδον απαντα τα δί ημων μεμηχανημενα λογος ημιν εστιν ο συγκατασκευασας. Ουτος γαρ περι των δικαιων και των αδικων και των αισχρων και των καλων ενομοθετησεν: ων μη διαταχθεντων ουκ αν οιοι τ' ημεν οικειν μετ' αλληλων. Τουτω και τους κακους εξελεγχομεν και τους αγαθους εγκωμιαζομεν. Δια τουτου τους τ' ανοητους παιδευομεν και τους φρονιμους δοκιμαζομεν: το γαρ λεγειν ως δει του φρονειν ευ μεγιστον σημειον ποιουμεθα, και λογος αληθης και νομιμος και δικαιος ψυχης αγαθης και πιστης ειδωλον εστιν.


La traduzione è visibile ai soli utenti Registrati