Μηδενα φιλον ποιου, πριν αν εξετασης πως κεχρηται τοις προτερον φιλοις· ελπιζε γαρ αυτον και περι σε γενεσθαι τοιουτον, οιος και περι εκεινους γεγονεν. Βραδεως μεν φιλος γιγνου, γενομενος δε πειρω διαμενειν. Ομοιως γαρ αισχρον μηδενα φιλον εχειν και πολλους εταιρους μεταλλαττειν. Μητε μετα βλαβης πειρω των φιλων, μητ' απειρος ειναι των εταιρων θελε. Τουτο δε ποιησεις, εαν μη δεομενος το δεισθαι προσποιη. Περι των ρητων ως απορρητων ανακοινου· μη τυχων μεν γαρ ουδεν βλαβησει, τυχων δε μαλλον αυτων τον τροπον επιστησει. Δοκιμαζε τους φιλους εκ τε της περι τον βιον ατυχιας και της εν τοις κινδυνοις κοινωνιας· το μεν γαρ χρυσιον εν τω πυρι βασανιζομεν, τους δε φιλους εν ταις ατυχιαις διαγιγνωσκομεν. Ουτως αριστα χρησει τοις φιλοις, εαν μη προσμενης τας παρ' εκεινων δεησεις, αλλ' αυτεπαγγελτος αυτοις εν τοις καιροις βοηθης.


La traduzione è visibile ai soli utenti Registrati