Ινα δε μη δοκω περι τα μερη διατριβειν υπερ ολων των πραγματων υποθεμενος ερειν, μηδ' εκ τουτων εγκωμιαζειν την πολιν, απορων τα προς τον πολεμον αυτην επαινειν, ταυτα μεν ειρησθω μοι προς τους επι τοις τοιουτοις φιλοτιμουμενους, ηγουμαι δε τοις προγονοις ημων ουχ ηττον εκ των κινδυνων τιμασθαι προσηκειν η των αλλων ευεργεσιων. Ου γαρ μικρους ουδ' ολιγους ουδ' αφανεις αγωνας υπεμειναν, αλλα πολλους και δεινους και μεγαλους, τους μεν υπερ της αυτων χωρας, τους δ' υπερ της των αλλων ελευθεριας: απαντα γαρ τον χρονον διετελεσαν κοινην την πολιν παρεχοντες και τοις αδικουμενοις αει των Ελληνων επαμυνουσαν. Διο δη και κατηγορουσι τινες ημων ως ουκ ορθως βουλευομενων, οτι τους ασθενεστερους ειθισμεθα θεραπευειν, ωσπερ ου μετα των επαινειν βουλομενων ημας τους λογους οντας τους τοιουτους. Ου γαρ αγνοουντες οσον διαφερουσιν αι μειζους των συμμαχιων προς την ασφαλειαν, ουτως εβουλευομεθα περι αυτων, αλλα πολυ των αλλων ακριβεστερον ειδοτες τα συμβαινοντ' εκ των τοιουτων ομως ηρουμεθα τοις ασθενεστεροις και παρα το συμφερον βοηθειν μαλλον η τοις κρειττοσι του λυσιτελουντος ενεκα συναδικειν.


La traduzione è visibile ai soli utenti Registrati