Μαλιστα δ' αν τις συνιδοι το μεγεθος της μεταβολης, ει παραναγνοιη τας συνθηκας τας τ' εφ' ημων γενομενας και τας νυν αναγεγραμμενας. Τοτε μεν γαρ ημεις φανησομεθα την αρχην την βασιλεως οριζοντες και των φορων ενιους ταττοντες και κωλυοντες αυτον τη θαλαττη χρησθαι: νυν δ' εκεινος εστιν ο διοικων τα των Ελληνων και προσταττων α χρη ποιειν εκαστους, και μονον ουκ επισταθμους εν ταις πολεσι καθιστας. Πλην γαρ τουτου τι των αλλων υπολοιπον εστιν; ου και του πολεμου κυριος εγενετο και την ειρηνην επρυτανευσε και των παροντων πραγματων επιστατης καθεστηκεν; ουχ ως εκεινον πλεομεν ωσπερ προς δεσποτην αλληλων κατηγορησοντες; ου βασιλεα τον μεγαν αυτον προσαγορευομεν ωσπερ αιχμαλωτοι γεγονοτες; ουκ εν τοις πολεμοις τοις προς αλληλους εν εκεινω τας ελπιδας εχομεν της σωτηριας, ος αμφοτερους ημας ηδεως αν απολεσειεν; Ων αξιον ενθυμηθεντας αγανακτησαι μεν επι τοις παρουσι, ποθεσαι δε την ηγεμονιαν την ημετεραν, μεμψασθαι δε Λακεδαιμονιους.


La traduzione è visibile ai soli utenti Registrati