Πολλαχη δ' αν τις λογιζομενος ευροι ταυτας τας πραξεις μαλιστα λυσιτελουσας ημιν. Φερε γαρ, προς τινας χρη πολεμειν τους μηδεμιας πλεονεξιας επιθυμουντας, αλλ' αυτο το δικαιον σκοπουντας; ου προς τους και προτερον κακως την Ελλαδα ποιησαντας και νυν επιβουλευοντας και παντα τον χρονον ουτω προς ημας διακειμενους; τισι δε φθονειν εικος εστι τους μη πανταπασιν ανανδρως διακειμενους, αλλα μετριως τουτω τω πραγματι χρωμενους; ου τοις μειζους μεν τας δυναστειας η κατ' ανθρωπους περιβεβλημενοις, ελαττονος δ' αξιοις των παρ' ημιν δυστυχουντων; επι τινας δε στρατευειν προσηκει τους αμα μεν ευσεβειν βουλομενους, αμα δε του συμφεροντος ενθυμουμενους; ουκ επι τους και φυσει πολεμιους και πατρικους εχθρους και πλειστα μεν αγαθα κεκτημενους, ηκιστα δ' υπερ αυτων αμυνεσθαι δυναμενους; ουκουν εκεινοι πασι τουτοις ενοχοι τυγχανουσιν οντες;


La traduzione è visibile ai soli utenti Registrati