Κονων ατυχησας εν τη ναυμαχια τη περι Ελλησποντον, ου δι αυτον αλλα δια τους συναρχοντας, οικαδε μεν αφικεσθαι κατησχυνθη, πλευσας δ' εις Κυπρον χρονον μεν τινα περι την των ιδιων επιμελειαν διετριβεν, αισθομενος δ' Αγησιλαον μετα πολλης δυναμεως εις την Ασιαν διαβεβηκοτα και πορθουντα την χωραν, ουτω μεγ' εφρονησεν, ωστ' αφορμην ουδεμιαν αλλην εχων πλην το σωμα και την διανοιαν, ηλπισε Λακεδαιμονιους καταπολεμησειν αρχοντας των Ελληνων και κατα γην και κατα θαλατταν. Και τι δει τα πλειω λεγειν; συσταντος γαρ αυτω ναυτικου περι Ροδον, νικησας τη ναυμαχια, Λακεδαιμονιους μεν εξεβαλεν εκ της αρχης, τους δ' Ελληνας ηλευθερωσεν, ου μονον δε τα τειχη τα της πατριδος ανωρθωσεν, αλλα και την πολιν εις την αυτην δοξαν προηγαγεν, εξ ησπερ εξεπεσεν.


La traduzione è visibile ai soli utenti Registrati