Επειδαν ουν των ιδιωτων τινες απαντα ταυτα συλλογισαμενοι κατιδωσιν τους την σοφιαν διδασκοντας και την ευδαιμονιαν παραδιδοντας αυτους τε πολλων δεομενους και τους μαθητας μικρον πραττομενους, και τας εναντιωσεις επι μεν των λογων τηρουντας, επι δε των εργων μη καθορωντας, ετι δε περι μεν των μελλοντων ειδεναι προσποιουμενους, περι δε των παροντων μηδεν των δεοντων μητ' ειπειν μητε συμβουλευσαι δυναμενους, αλλα μαλλον ομονουντας και πλειω κατορθουντας τους ταις δοξαις χρωμενους η τους την επιστημην εχειν επαγγελλομενους, εικοτως, οιμαι, καταφρονουσιν και νομιζουσιν αδολεσχιαν και μικρολογιαν αλλ' ου της ψυχης επιμελειαν ειναι τας τοιαυτας διατριβας. Ου μονον δε τουτοις, αλλα και τοις τους πολιτικους λογους υπισχνουμενοις αξιον επιτιμησαι: και γαρ εκεινοι της μεν αληθειας ουδεν φροντιζουσιν, ηγουνται δε τουτ' ειναι την τεχνην, ην ως πλειστους τη μικροτητι των μισθων και τω μεγεθει των επαγγελματων προσαγαγωνται και λαβειν τι παρ' αυτων δυνητωσιν: ουτω δ' αναισθητως αυτοι τε διακεινται και τους αλλους εχειν υπειληφασιν ωστε, χειρον γραφοντες τους λογους η των ιδιωτων τινες αυτοσχεδιαζουσιν, ομως υπισχνουνται τοιουτους ρητορας τους συνοντας ποιησειν ωστε μηδεν των ενοντων εν τοις πραγμασιν παραλιπειν.


La traduzione è visibile ai soli utenti Registrati