Τουτου δε παιδες ησαν Τελαμων και Πηλευς, ων ο μεν ετερος μεθ' Ηρακλεους επι Λαομεδοντα στρατευσαμενος αριστειων ηξιωθη, Πηλευς δ' εν τε τη μαχη τη προς Κενταυρους αριστευσας και κατα πολλους αλλους κινδυνους ευδοκιμησας θετιδι τη Νηρεως, θνητος ων αθανατη, συνωκησεν, και μονου τουτου φασιν των προγεγενημενων υπο θεων εν τοις γαμοις υμεναιον ασθηναι. Τουτων δ' εκατερου. Τελαμωνος μεν Αιας και Τευκρος εγενεσθην, Πηλεως δ' Αχιλλευς, οι μεγιστον και σαφεστατον ελεγχον εδοοαν της αυτων αρετης· ου γαρ εν ταις αυτων πολεσιν μονον επρωτευσαν, ουδ' εν τοις τοποις εν οις κατωκουν, αλλα στρατειας τοις Ελλησιν επι τους βαρβαρους γενομενης, και πολλων μεν εκατερων αθροισθεντων, ουδενος δε των ονομαστων απολειφθεντος, εν τουτοις τοις κινδυνοις Αχιλλευς μεν απαντων διηνεγκεν, Αιας δε μετ' εκεινον ηριστευσεν.


La traduzione è visibile ai soli utenti Registrati