Ου μονον τοις δπλοις εκοσμησαντο παραπλησιοις, αλλα και τοις επιτηδευμασιν εχρησαντο τοις αυτοις, πρεποντα τη συγγενεια ποιουντες. Εξ αδελφων γαρ γεγονοτες, ο μεν εκ Διας, ο δ' εκ Ποσειδωνος, αδελφας και τας επιθυμιας εσχον. Μονοι γαρ ουτοι των προγεγενημενων υπερ του βιου του των ανθρωπων αθληται κατεστησαν. Συνεβη δε τον μεν ονομαστοτερους και μειζους, τον δ' ωφελιμωτερους και τοις Ελλησιν οικειοτερους ποιησασθαι τους κινδυνους. Τω μεν γαρ Ευρυσθευς προσεταττεν τας τε βους τας εκ της Ερυθειας αγαγειν και τα μηλα τα των Εσπεριδων ενεγκειν και τον Κερβερον αναγαγειν και τοιουτους αλλους πονους, εξ ων ημελλεν ου τους αλλους ωφελησειν αλλ' αυτος κινδυνευσειν· ο δ' αυτος αυτου κυριος ων, τουτους προηρειτο των αγωνων εξ ων ημελλεν η των Ελληνων η της αυτου πατριδος ευεργετης γενησεσθαι. Και τον τε ταυρον τον ανεθεντα μεν υπο Ποσειδωνος, την δε χωραν λυμαινομενον ον παντες ουκ ετολμων υπομενειν, μονος χειρωσαμενος μεγαλου φοβου και πολλης αποριας τους οικουντας την πολιν απηλλαςεν.


La traduzione è visibile ai soli utenti Registrati