Παραλαβουσα γαρ τους Ελληνας ανομως ζωντας και σποραδην οικουντας, και τους μεν υπο δυναστειων υβριζομενους, τους δε δι αναρχιαν απολλυμενους, και τουτων των κακων αυτους απηλλαξεν, των μεν κυρια γενομενη, τοις δ' αυτην παραδειγμα ποιησασα· πρωτη γαρ και νομους εθετο και πολιτειαν κατεστησατο. Δηλον δ' εκειθεν· οι γαρ εν αρχη περι των φονικων εγκαλεσαντες και βουληθεντες μετα λογου και μη μετα βιας διαλυσασθαι τα προς αλληλους εν τοις νομοις τοις ημετεροις τας κρισεις εποιησαντο περι αυτων. Και μεν δη και των τεχνων τας τε προς ταναγκαια του βιου χρησιμας και τας προς ηδονην μεμηχανημενας, τας μεν ευρουσα, τας δε δοκιμασασα χρησθαι τοις αλλοις παρεδωκεν. Την τοινυν αλλην διοικησιν ουτω φιλοξενως κατεσκευασατο και προς απαντας οικειως ωστε και τοις χρηματων δεομενοις και τοις απολαυσαι των υπαρχοντων επιθυμουσιν αμφοτεροις αρμοττειν και μητε τοις ευδαιμονουσιν μητε τοις δυστυχουσιν εν ταις αυτων αχρηστως εχειν, αλλ' εκατεροις αυτων ειναι παρ' ημιν, τοις μεν ηδιστας διατριβας, τοις δ' ασφαλεστατην καταφυγην.


La traduzione è visibile ai soli utenti Registrati