Παραπλησιως δε τοις ειρημενοις και το προς σφας αυτους διωκουν. Ου γαρ μονον περι των κοινων ωμονοουν, αλλα και περι τον ιδιον βιον τοσαυτην εποιουντο προνοιαν αλληλων οσην περ χρη τους ευ φρονουντας και πατριδος κοινωνουντας. Οι τε γαρ πενεστεροι των πολιτων τοσουτον απειχον του φθονειν τοις πλειω κεκτημενοις, ωσθ' ομοιως εκηδοντο των οικων των μεγαλων ωσπερ των σφετερων αυτων, ηγουμενοι την εκεινων ευδαιμονιαν αυτοις ευποριαν υπαρχειν· οι τε τας ουσιας εχοντες ουχ οπως υπερεωρων τους καταδεεστερον πραττοντας, αλλ' υπολαμβανοντες αισχυνην αυτοις ειναι την των πολιτων αποριαν επημυνον ταις ενδειαις, τοις μεν γεωργιας επι μετριαις μισθωσεσιν παραδιδοντες, τους δε κατ' εμποριαν εκπεμποντες, τοις δ' εις τας αλλας εργασιας αφορμην παρεχοντες.


La traduzione è visibile ai soli utenti Registrati