Ημεις τε γαρ αναστατου μεν της πολεως υπο των βαρβαρων γεγενημενης δια το δεδιεναι και προσεχειν τον νουν τοις πραγμασιν επρωτευσαμεν των Ελληνων, επειδη δ' ανυπερβλητον ωηθημεν την δυναμιν εχειν, παρα μικρον ηλθομεν εξανδραποδισθηναι: Λακεδαιμονιοι τε το μεν παλαιον εκ φαυλων και ταπεινων πολεων ορμηθεντες δια το σωφρονως ζην και στρατιωτικως κατεσχον Πελοποννησον, μετα δε ταυτα μειζον φρονησαντες του δεοντος και λαβοντες και την κατα γην και την κατα θαλατταν αρχην, εις τους αυτους κινδυνους κατεστησαν ημιν. Οστις ουν ειδως τοσαυτας μεταβολας γεγενημενας και τηλικαυτας δυναμεις ουτω ταχεως αναιρεθεισας πιστευει τοις παρουσι, λιαν ανοητος εστιν, αλλως τε και της μεν πολεως ημων πολυ καταδεεστερον νυν πραττουσης η κατ' εκεινον τον χρονον, του δε μισους του των Ελληνων και της εχθρας της προς βασιλεα παλιν ανακεκαινισμενης, α τοτε κατεπολεμησεν ημας.


La traduzione è visibile ai soli utenti Registrati