Ουδεν γαρ οιον τε γιγνεσθαι κατα τροπον τοις μη καλως περι ολης της διοικησεως βεβουλευμενοις, αλλ' αν και κατορθωσωσι περι τινας των πραξεων η δια τυχην η δί ανδρος αρετην, μικρον διαλιποντες παλιν εις τας αυτας αποριας κατεστησαν. Και ταυτα γνοιη τις αν εκ των περι ημας γεγενημενων. Απασης γαρ της Ελλαδος υπο την πολιν υμων υποπεσουσης και μετα την Κονωνος ναυμαχιαν και μετα την Τιμοθεου στρατηγιαν, ουδενα χρονον τας ευτυχιας κατασχειν ηδυνηθημεν, αλλα ταχεως διεσκαριφησαμεθα και διελυσαμεν αυτας. Πολιτειαν γαρ την ορθως αν τοις πραγμασι χρησαμενην ουτ' εχομεν ουτε καλως ζητουμεν. Καιτοι τας ευπραγιας απαντες ισμεν και παραγιγνομενας και παραμενουσας ου τοις τα τειχη καλλιστα και μεγιστα περιβεβλημενοις, ουδε τοις μετα πλειστων ανθρωπων εις τον αυτον τοπον συνηθροισμενοις, αλλα τοις αριστα και σωφρονεστατα την αυτων πολιν διοικουσιν.


La traduzione è visibile ai soli utenti Registrati