Ως δε συντομως ειπειν, εκεινοι διεγνωκοτες ησαν οτι δει τον μεν δημον ωσπερ τυραννον καθισταναι τας αρχας και κολαζειν τους εξαμαρτανοντας και κρινειν περι των αμφισβητουμενων, τους δε σχολην αγειν δυναμενους και βιον ικανον κεκτημενους επιμελεισθαι των κοινων ωσπερ οικετας, και δικαιους μεν γενομενους επαινεισθαι και στεργειν ταυτη τη τιμη, κακως δε διοικησαντας μηδεμιας συγγνωμης τυγχανειν αλλα ταις μεγισταις ζημιαις περιπιπτειν. Καιτοι πως αν τις ευροι ταυτης βεβαιοτεραν η δικαιοτεραν δημοκρατιαν, της τους μεν δυνατωτατους επι τας πραξεις καθιστασης, αυτων δε τουτων τον δημον κυριον ποιουσης; Το μεν ουν συνταγμα της πολιτειας τοιουτον ην αυτοις: ραδιον δ' εκ τουτων καταμαθειν ως και τα κατα την ημεραν εκαστην ορθως και νομιμως πραττοντες διετελεσαν. Αναγκη γαρ τοις περι ολων των πραγματων καλας τας υποθεσεις πεποιημενοις και τα μερη τον αυτον τροπον εχειν εκεινοις.


La traduzione è visibile ai soli utenti Registrati