Ανθ ων οργισθητε μεν ωσπερ οτ' εφευγετε, αναμνησθητε δε και των αλλων κακων δ πεπονθατε υπ' αυτων, οι τους μεν εκ της αγορας τους δ εκ των ιερων συναρποζοντες βιαιως απεκτειναν, τους δε απο τεκνων και γονεων και γυναικων αφελκοντες φονεας αυτων ηναγκασαν γενεσθαι και ουδε ταφης της νομιζομενης ειασαν τυχειν, ηγουμενοι την αυτων αρχην βεβαιοτεραν ειναι της παρα των θεων τιμωριας. Οσοι δε τον θαναον διεφυγαν, πολλαχου κινδυνευοαντες και εις πολλας πολεις πλανηθεντες και πανταχοθεν εκκηρυττομενοι, ενδεεις οντες των επιτηδειων, οι μεν εν πολεμια τη πατριδι τους παιδας καταλιποντες, οι δ' εν ξενη γη, πολλων εναντιουμενων ηλθετε εις τον Πειραια. Πολλων δε και μεγαλων κινδυνων υπαρξαντων ανδρες αγαθοι γενομενοι τους μεν ηλευθερωσατε, τους δ' εις την πατριδα κατηγαγετε.


La traduzione è visibile ai soli utenti Registrati