Συλλεγεντων τοινυν των δημοτων προ της εξοδου, ειδως αυτων ενιους πολιτας μεν χρηστους οντας και προθυμους, εφοδιων δε απορουντας, ειπον οτι χρη τους εχοντας παρεχειν τα επιτηδεια τοις απορως διακειμενοις. Και ου μονον τουτο συνεβουλευον τοις αλλοις, αλλα και αυτος εδωκα δυοιν ανδροιν τριακοντα δραχμας εκατερω, ουχ ως πολλα κεκτημενος, αλλ' ινα παρεδειγμα τουτο τοις αλλοις γενηται. Και μοι αναβητε. Μετα ταυτα τοινυν, ω βουλη, εις Κορινθον εξοδου γενομενης και παντων προειδοτων οτι δεησει κινδυνευειν, ετερων αναδυομενων εγω διεπραξαμην ωστε της πρωτης τεταγμενος μαχεσθαι τοις πολεμιοις: και μαλιστα της ημετερας φυλης δυστυχησασης, και πλειστων εναποθανοντων, υστερος ανεχωρησα του σεμνου Στειριως του πασιν ανθρωποις δειλιαν ωνειδικοτος. Και ου πολλαις ημεραις υστερον μετα ταυτα εν Κορινθω χωριων ισχυρων κατειλημμενων, ωστε τους πολεμιους μη δυνασθαι παριεναι, Αγησιλαου δ' εις την Βοιωτιαν εμβαλοντος ψηφισαμενων των αρχοντων αποχωρισαι ταξεις αιτινες βοηθησουσι, φοβουμενων απαντων εικοτως, ω βουλη: δεινον γαρ ην αγαπητως ολιγω προτερον σεσωσμενους εφ' ετερον κινδυνον ιεναι προσελθων εγω τον ταξιαρχον εκελευον ακληρωτι την ημετεραν ταξιν πεμπειν.


La traduzione è visibile ai soli utenti Registrati