ΑΠ. Χελωνην που νεκραν ευρων, οργανον απ αυτης συνεπηξατο· πηχεις γαρ εναρμοσας και ζυγωσας, επειτα κολλαβους εμπηξας και μαγαδα υποθεις και εντεινομενος επτα χορδας εμελωδει πανυ γλαφυρον, ω Ηφαιστε, και εναρμονιον, ως καμε αυτω φθονειν παλαι κιθαριζειν ασκουντα. Ελεγε δε η Μαια, ως μηδε μενοι τας νυκτας εν τω ουρανω, αλλ' υπο περιεργιας αχρι του Αιδου κατιοι, κλεψων τι κακειθεν δηλαδη. Υποπτερος δ' εστι και ραβδον τινα πεποιηται θαυμασιαν την δυναμνν, η ψυχαγωγει και καταγει τους νεκρους. ΗΦ. Εγω εκεινην εδωκα αυτω παιγνιον ειναι. ΑΠ. Τοιγαρουν απεδωκε σοι τον μισθον, την πυραγραν... ΗΦ. Ευ γε υπεμνησας· ωστε βαδιουμαι αποληψομενος αυτην, ει που, ως φης, ευρεθειη εν τοις σπαργανοις.


La traduzione è visibile ai soli utenti Registrati