Και μην, ω Σωλων, κατ' ουδεν αλλο απο της Σκυθιας ηκω παρ' υμας τοσαυτην μεν γην διοδευσας, μεγαν δε τον Ευξεινον και δυσχειμερον περαιωθεις, η οπως νομους τε τους Ελληνων εκμαθοιμι και εθη τα παρ' υμιν κατανοησαιμι και πολιτειαν την αριστην εκμελετησαιμι. Διο και σε μαλιστα φιλον εξ απαντων Αθηναιων και ξενον προειλομην κατα κλεος, επειπερ ηκουον νομων τε τινων συγγραφεα ειναι σε και εθων των αριστων ευρετην και επιτηδευματων ωφελιμων εισηγητην, και ολως πολιτειας τινος συναρμοστην. Ωστε ουκ αν φθανοις διδασκων με και μαθητην ποιουμενος: ως εγωγε ηδεως αν ασιτος σοι και αποτος παρακαθεζομενος, ες οσον αν αυτος διαρκοιης λεγων, κεχηνως επακουοιμι περι πολιτειας τε και νομων διεξιοντος.


La traduzione è visibile ai soli utenti Registrati